სასულიერო სემინარიის ყოფილი რექტორი, მეუფე ზოსიმე ამბობს, რომ ყოფილი სტუდენტები, რომლებიც მას სექსუალურ ძალადობაში ადანაშაულებენ, "ვიღაცების წაქეზებით" მოქმედებდნენ. დაახლოებით 30 წლის წინ მომხდარ ამბავზე მეუფემ მთავარი არის ეთერში ისაუბრა.

"ეკლესიას ძალიან ბევრი ჰყავდა მტერი და ეკლესიას ძალიან ცოტა ჰყავდა მეგობარი. ესენი ვერ გაბედავენ ამას, რომ... მე არ ვიკადრებ და რაღაც ისეთს არ ვიტყვი... ეს ახალგაზრდები იყვნენ იმათი სურვილების ამსრულებლები... ამათ რომ კარგი სულიერი აღზრდა ჰქონოდათ, რა თქმა უნდა, დაცული იქნებოდნენ..." — თქვა მან.

მისი ვერსიით, ახლა მას სტუდენტებზე სექსუალურ ძალადობას იმიტომ აბრალებენ, რომ პატრიაქრის მიმართ "პიდარასტიის ცოდვაზე" გაჩენილი ბრალდებები გაამყარონ:

"ეს ყველაფერი პატრიარქთან არის დაკავშირებული. უნდათ ის მცდარი ბრალდებების გამყარება და აქ, რა თქმა უნდა, ამასაც იშველიებდნენ, თორემ მე არ წარმომიდგენია მეუფე ვინმეს აინტერესებდეს".

1988 წლის 23 დეკემბერს მომხდარი სავარაუდო სექსუალური ძალადობის შესახებ მამა გიორგიმ ფეისბუქზე რამდენიმე საათის წინ დაწერა. მან დაასახელა კონკრეტული პირის სახელი და გვარიც, რომელზეც ამბობდა, რომ თბილისის სასულიერო სემინარიაში მაშინდელი რექტორი, ეპისკოპოსი ზოსიმე შიოშვილი "სოდომურად თავს დაესხა" სვეტიცხოვლის რეზიდენციაში.