საქართველოს პრეზიდენტი, სალომე ზურაბიშვილი არ პასუხობს კითხვას, შეიწყალებს თუ არა ის დეკანოზ გიორგი მამალაძეს. ჟურნალისტებმა პრეზიდენტს კითხვა მას შემდეგ დაუსვევს, რაც მისმა ადმისტრაციამ Fake news უწოდა გიორგი მამალაძის 23 ნოემბერს გათავისუფლების შესახებ ინფორმაციას.

"გაიგებთ, როცა დრო იქნება", — ესაა პრეზიდენტის პასუხი კითხვაზე შეიწყალებს თუ არა ის მამალაძეს.

გუშინ, 2 ნოემბერს საქართველოს პრეზიდენტის ადმინისტრაციაში განაცხადეს, რომ შეწყალების საქმეების განხილვა არ განახლებულა. პრესსამსახურმა მედიასაშუალებებს პრესრელიზი დაუგზავნა, სადაც ეწერა, რომ დეკანოზ მამალაძის შეწყალებასთნ დაკავშირებულ საკითხებზე გავრცელებული ინფორმაცია არის Fake news და პრეზიდენტზე ზეწოლის მცდელობად აღიქვეს.

პრეზიდენტს მამალაძის შეწყალების შუამდგომლობით საქართველოს საპატრიარქოს სინოდმა მიმართა. მამალაძე სასჯელს ციანიდის საქმეზე იხდის.

ციანიდის საქმე

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

2018 წლის 13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა, უზენაესმა სასამართლომ კი დაუშვებლად სცნო.