საქართველოს გენერალური პროკურორი, შალვა თადუმაძე მიიჩნევს, რომ ბოდვაა საქართველოს პატრიარქის, ილია მეორეს გადაყენებაზე საუბარი. ამის შესახებ მან რამდენიმე წუთის წინ განაცხადა.

მისი თქმით, დასახელებული პირები იმ მომენტისთვის იმ თანამდებობებს არ იკავებდნენ, როგორც ეს გაჟღერდა და გამოძიება ამ მოტივით ვერ დაიწყება.

"გამოძიება ბოდვებზე ვერ დაიწყება", — დასძინა შალვა თადუმაძემ.

რამდენიმე დღის წინ ბოდბელმა ეპისკოპოსმა იაკობმა ყოფილ პრემიერ, გიორგი კვირიკაშვილის კაბინეტში გამართული შეხვედრა გაიხსენა, სადაც "ეჩალიჩებოდნენ პატრიარქის გადაყენებაზე და შიო მუჯირის პატრიარქად არჩევაზე". მისი თქმით, სახელმწიფო უსაფრთხოების სამსახურის მაშინდელ უფროსთან, ვახტანგ გომელაურთან და გიორგი გახარიასთან ერთად გაიმართა ეს შეხვედრა.