პრეზიდენტის ადმინისტრაციის გარდა დაჰაკულია რამდენიმე სამთავრობო და კერძო ვებგვერდი, მათ შორის არიან მედიები და არასამთავრობო ორგანიზაცია. აღნიშნული საიტების გახსნისას ჩნდება ექსპრეზიდენტ მიხეილ სააკააშვილის ფოტო წარწერით: I ll be back (მე დავბრუნდები).

გთავაზობთ იმ ვებგვერდების სიას, რომელთა დაჰაკვის შესახებ ჩვენთვის არის ცნობილი. ამ ეტაპზე სამთავრობო ვებგვერდებიდან კიბერშეტევა განხორციელდა:

  1. საერთო სასამართლოებზე;
  2. ბათუმის საკრებულოზე;
  3. ქუთაისი მუნიციპალიტეტზე;
  4. ქარელის მუნიციპალიტეტზე;
  5. მუნიციპალური განვითარების ფონდზე
  6. აჭარის უმაღლეს საბჭოზე;
  7. სახანძრო დეპარტამენტზე;
  8. აფხაზეთის ავტონომიური რესპუბლიკის იუსტიციის სამინისტროზე.

იდენტური მგდომარეობაა კერძო ვებგვერდებზე. მათ შორისაა:

  1. მედიის განვითარების ფონდი;
  2. გურიის მოამბე;
  3. კაქტუს მედია;
  4. თრიალეთი;
  5. თავისუფალი უნივერსიტეტი;
  6. დემოკრატიის ლაბორატორია;
  7. საქინფორმი;
  8. საქართველოს წამების მსხვერპლთა ფსიქოსოციალური და სამეციდინო რეაბილიტაციის ცენტრი;
  9. საზოგადოება და ბანკები
  10. rogor.ge;
  11. arma.ge;
  12. argo.ge;
  13. nova.ge;
  14. inex.ge;
  15. ibooks.ge;
  16. tvpirveli.ge.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 284-ე მუხლით დაიწყო, რაც კომპიუტერულ სისტემაში უნებართვო შეღწევას გულისხმობს. უწყებაში ამ ეტაპზე სხვა კომენტარს არ აკეთებენ.

პრეზიდენტის პრესსამსახურის განცხადებით, კიბერშეტევები ვებგვერდზე ხშირად ხდება და აიტი სამსახური მათ მოგვარებაზე მუშაობს. მისივე თქმით, ამ პრობლემის შესახებ ახლა არკვევენ.

მასალა განახლდება