ყაზბეგის ეროვნულ პარკში, მყინვარწვერის მისასვლელ ბილიკზე დასუფთავების აქცია გაიმართა. გარემოს დაცვისა და სოფლის მეურნეობის სამინისტრო ავრცელებს ფოტოებს, თუ რა მდგომარეობა იყო ტერიტორიაზე მანამდე. კადრებში ჩანს, რომ ბილიკი სავსეა ნაგვით.

ფოტო: გარემოს დაცვისა და სოფლის მეურნეობის სამინისტრო

ფოტო: გარემოს დაცვისა და სოფლის მეურნეობის სამინისტრო

უწყებაში ამბობენ, რომ მყინვარზე, რომელიც ზღვის დონიდან 3 653 მეტრზე მდებარეობს, მსოფლიოში არსებული პრაქტიკის შესაბამისად, ნაგვის ურნები განთავსებული არ არის, ვინაიდან ტერიტორიიდან ნაგვის სისტემატური გატანა, ბუნებრივი პირობების გამო, შეუძლებელია.

"მინდა ყველას, განსაკუთრებით კი დაცული ტერიტორიების ვიზიტორებს მოვუწოდო, მეტი პასუხისმგებლობა გამოიჩინონ, ნუ დაანაგვიანებენ ტერიტორიებს. ადგილობრივი ბიზნესექტორის წარმომადგენლებისა და ჩვენი მოქალაქეების აქტიური ჩართულობა დასუფთავების აქციებში, მნიშვნელოვნად გააუმჯობესებს არსებულ ვითარებას", —განაცხადა გარემოს დაცვისა და სოფლის მეურნეობის მინისტრის მოადგილემ, იური ნოზაძემ.

ფოტო: გარემოს დაცვისა და სოფლის მეურნეობის სამინისტრო

ფოტო: გარემოს დაცვისა და სოფლის მეურნეობის სამინისტრო

ყაზბეგის ეროვნული პარკის საერთო ფართობი 78 543 ჰექტარს შეადგენს. ეროვნული პარკის 35% ტყითაა დაფარული; დანარჩენი ტერიტორია კი, ალპურ იალაღებს, მორენებს, თოვლით დაფარულ მწვერვალებსა და კლდეებს უჭირავს. ეროვნული პარკი იშვიათი და უნიკალური სახეობის ცხოველისა და ფრინველის თავშესაფარს წარმოადგენს. ყაზბეგის ეროვნული პარკი მაღალმთიანია და მისი ყველაზე დაბალი წერტილი ზღვის დონიდან 1 400 მ-ზე მდებარეობს.