ქართულ ფინანსურ ბაზარზე წლის ბოლოს ახალი სტარტაპი შემოდის. ვოლიფეის პლატფორმა თავის მომხმარებლებს საკუთარი ფინანსების სამართავად თანამედროვე, გამარტივებულ გზას შესთავაზებს. თუმცა, პროექტი არა მხოლოდ მომხმარებლებისთვის, არამედ ფინანსური ორგანიზაციებისთვისაც საინტერესოა. ვოლიფეის დირექტორი, გიორგი აბულაძე განმარტავს, რომ ვოლიფეი პირველი ქართული პლატფორმაა არასაბანკო სექტორიდან, რომელიც MasterCard-ის საბარათე პროგრამის წევრი ოფიციალურად გახდა.

რა შესაძლებლობებს აძლევს ვოლიფეი მომხმარებელს და ვისთვისაა განკუთვნილი თქვენი პროდუქტი?

ვოლიფეი ფინტექ სტარტაპ პროექტია, რომელიც ბაზარზე წლის ბოლოს შემოვა. თუმცა, ის არ არის გათვლილი მხოლოდ საცალო მომხმარებელზე. გარდა იმისა, რომ მომხმარებლებს შესაძლებლობა ექნებათ, საკუთარი ფინანსები უფრო გამარტივებულად მართონ, კომპანია ფინანსური ორგანიზაციებისთვისაც განსაკუთრებულ შეთავაზებებს ამზადებს. კერძოდ, ფინანსურ ორგანიზაციებს მიეცემათ შესაძლებლობა, ვოლიფეის პლატფორმის საშუალებით მომხმარებლებს მიაწოდონ სხვადასხვა ტიპის ინოვაციური ფინანსური პროდუქტი, გახადონ მომხმარებლებთან ურთიერთობა უფრო თანამედროვე და პრაქტიკული. კომპანიის შეთავაზება საფინანსო კომპანიებისთვის გულისხმობს — საკუთარი კომპანიის სახელით მომხმარებლისთვის Mastercard საერთაშორისო საგადახდო ბარათის შეთავაზებას ელექტრონულ საფულესთან ერთად.

კონკრეტულად რა პროდუქტებს სთავაზობს კომპანია საფინანსო კომპანიებს?

პირველი და მთავარი პროდუქტი არის საერთაშორისო საგადახდო Mastercard ბარათი, რომელსაც საფინანსო კომპანია თავის მომხმარებელს შესთავაზებს თავისივე ბრენდის ფარგლებში. გარდა ამისა, მათ ვთავაზობთ საკუთარ მობილურ და ვებ აპლიკაციას, რომელიც ბარათთან ერთად უზრუნველყოფს ყველა საჭირო ფულად ონლაინ ტრანზაქციას, რომელიც მათ მომხმარებელს დღის განმავლობაში ესაჭიროება. საფულე აღჭურვილია თანხის მიღების, გადარიცხვის, გადახდის ფუნქციონალით, რაც დამოუკიდებლად ფინანსების განკარგვისთვისაა საჭირო. ამჟამად, მიმდინარეობს მოლაპარაკება რამდენიმე წამყვან საფინანსო ინსტიტუტთან და უახლოეს მომავალში იხილავთ ვოლიფეის პლატფორმის საშუალებით სხვა ფინანსური ინსტიტუტების მიერ გამოშვებულ საერთაშორისო საგადახდო MasterCard ბარათებს.

რატომ არის კომფორტული ფინანსური ორგანიზაციებისთვის ვოლიფეისთან თანამშრომლობა?

პროდუქტი მომხმარებლისათვის ბაზარზე არსებული საგადახდო სისტემების სრულყოფილი და კომფორტული ალტერნატივა იქნება, რომელიც ფინანსური ორგანიზაციებისთვის მომსახურების შემავსებელ პროდუქტს წარმოადგენს. კომპანიის მთავარი მიზანიც საფინანსო კომპანიებისთვის მომსახურების ხარისხის გაუმჯობესება და ამით ბაზარზე არსებული სტანდარტების ამაღლებაა. ჩვენი პარტნიორი ორგანიზაციები ვოლიფეის პლატფორმის ინტეგრაციის შემდგომ ისარგებლებენ ახალი კონკურენტული უპირატესობებით, პროდუქციის მართვისა და განვითარების ახალი შესაძლებლობით - მათი პროდუქტის პორტფელზე და მომხმარებლის საჭიროებებზე მორგებული სერვისებით, რაც ქმნის ხარჯების შემცირებისა და შემოსავლის მიღების ოპტიმალურ გადაწყვეტას. ვოლიფეი ოპერირებს საგადახდო სერვისის პროვაიდერი კომპანიის "მანიქოს" ლიცენზიის ფარგლებში. საფინანსო კომპანიებს დაკავშირება შემდეგი ვებგვერდის საშუალებით შეუძლიათ: https://wallypay.eu/ka/თანამშრომლობა/

მეტი ინფორმაციისთვის კი ეწვიეთ ვებგვერდს: wallypay.eu

სამომავლო გეგმების შესახებ რას დაამატებდით?

ვოლიფეის მთავარი გამოწვევა ყოველთვის იქნება გლობალური ხედვის შენარჩუნება აქტიური განვითარების პროცესის პარალელურად, რათა ფულის მართვის პროცესი უფრო კომფორტული გახადოს ქართველი მომხმარებლისთვის და არა მხოლოდ.

სამომავლოდ ვგეგმავთ კიდევ უფრო გავაფართოვოთ ჩვენი მომსახურების არეალი, რასაც ასევე წინასწარ დავაანონსებთ. ამჟამად მიმდინარეობს სხვადასხვა მიმართულებებით კადრების შევსების პროცესი, ვაკანსიებს ჩვენს Facebook გვერდზე ეტაპობრივად გამოვაქვეყნებთ.