თიბისი ბანკისა და მოძრაობა ლელოს დამფუძნებელი მამუკა ხაზარაძე აცხადებს, რომ მართლმადიდებელი ეკლესიის პატრიარქს, ილია მეორეს ლელოსა და ანაკლიის პორტზე ესაუბრა. მისი თქმით, შეხვედრაზე პატრიარქმა დალოცა და წარმატება უსურვა.

"ვისაუბრეთ მოძრაობა ლელოს მიზნებსა და სამომავლო გეგმებზე. ასევე საუკუნის პროექტზე -ანაკლიის პორტზე, რომელიც უმნიშვნელოვანესია როგორც სამეგრელოსთვის, ასევე ჩვენი ქვეყნისთვის და მთელი რეგიონისთვის", — წერს ხაზარაძე ფეისბუქგვერდზე და პატრიარქთან გადაღებულ ფოტოს აქვეყნებს.