"ყველა იურისტისთვის მოსამართლის სტატუსი ყველაზე აღმატებულია", — უზენაესი სასამართლოს მოსამართლეობის კანდიდატი და მოქმედი პროკურორი შალვა თადუმაძე განმარტავს, თუ რატომ მიიღო კონკურსში მონაწილეობის გადაწყვეტილება. დღეს, 9 ოქტომბერს პარლამენტში მოსმენისას თადუმაძემ თქვა, რომ მისი საქმიანობა ყოველთვის მართლმსაჯულებას უკავშირდებოდა:

"როდესაც ამ გადაწყვეტილებას ვიღებდი, მქონდა ფიქრი იმისა რომ პარლამენტმა მომცა შესაძლებლობა ვიყო გენერალური პროკურორი და რამდენად სწორია ჩემი მხრიდან ამ გადაწყვეტილების მიღება... პარლამენტმა გადაწყვიტოს, სად უფრო მენდობა. მე თქვენს წინაშე ვარ კანდიდატი, თქვენ თუ გადაწყვეტთ, რომ ჩემი სანდოობა შესაძლბელია სხვაგან იყოს, თუ არ გადაწყვეტთ, მე იმ მანდატს განვახორციელებ რომელიც გამაჩნია. გენერალური პროკურორობის ნაწილი ჩემს კარიერაში არ იყო დაგეგმილი".