აღმოსავლეთ ჩინეთში საცხოვრებელი შენობების ნგრევის შედეგად 22 ადამიანის დაღუპვა დადასტურდა. BBC აღნიშნულ ინფორმაციას ადგილობრივ მედიაზე დაყრდნობით ავრცელებს.

უბედური შემთხვევა ორშაბათს მოხდა. მედიის ცნობით, შენობები 1970-იან წლებში ააშენეს ადგილობრივებმა და ისინი რთულ მდგომარეობაში იმყოფებოდნენ.

დაღუპულთა უმრავლესობა ემიგრანტი მუშები არიან, რომლებიც დაბალფასიან ოთახებს ქირაობდნენ:

"საშინელებაა, რომ ისინი იმიტომ დაიღუპნენ, რომ დაბალ ქირას იხდიდნენ" - განაცხადა ერთ-ერთმა თვითმხილველმა.

ნანგრევებიდან 6 ადამიანი ცოცხალი გამოიყვანეს. მათგან ერთ-ერთი არასრულწლოვანი გოგოა, რომელიც მშობლების სხეულებმა იხსნა სიკვდილისგან.

ფოტო: Getty Images