იუნესკოს გენერელურმა დირექტორმა, ოდრი აზულეიმ განაცხადა, რომ 2021 წელს თბილისი მსოფლიოს წიგნის დედაქალაქი გახდება. გადაწყვეტილება მსოფლიოს წიგნის დედაქალაქის კომიტეტის რეკომენდაციას ეფუძნება.

პროგრამის მიხედვით, მასპინძელი ქალაქის მიზანია ხელი შეუწყოს კითხვის პოპულარიზაციას ყველა სოციალური ფენისთვის. პროგრამა რამდენიმე მასშტაბური ღონისძიებისგან შედგება და ფოკისურებულია იმაზე, რომ თანამედროვე ტექნილოგიების გამოყენებით ახალგაზრდებში კითხვის ინტერესი გაიზარდოს.

ღონისძიების ფარგლებში მოეწყობა ბიბლიოთეკები, წიგნის ფესტივალი ბავშვებისთვის, თანამედროვე ციფრული პროექტი, რომლითაც წიგნებს თამაშად აქცევენ და იგეგმება პირველი ქართული გამომცემლობის რესტავრაცია. ღონისძიებები 2021 წლის 23 აპრილს, წიგნისა და საავტორო უფლებების საერთაშორისო დღეს დაიწყება.