ქუთაისში კინოს 7 ახალი დარბაზი იხსნება, რომელიც სრული დატვირთვით 1,5 თვეში ამუშავდება. ამის შესახებ ინფორმაციას ქუთაისის მერიის პრესსამსახური ავრცელებს.

ქუთაისის მერიის ცნობით, კინოთეატრი ყოფილი კინო საქართველოს შენობაში მოეწყობა. 7 დარბაზიდან 2 დარბაზი 3D ფილმებისთვისაა გათვალისწინებული. კინო დარბაზები ერთობლივად 400-ზე მეტ მაყურებელს დაიტევს. კინოთეატრში 6 ოქტომბერს მოეწყო სატესტო ჩვენებები სტუდენტებისა და მოსწავლეებისთვის.

ფოტო: ქუთაისის მერია

კინოთეატრში მოეწყობა კაფეები და იქნება ადაპტირებული გარემო შშმ პირებისთვის.

ქუთაისში ბოლო წლებში მსგავსი მასშტაბის კინოთეატრი არ არსებობდა.