თამთა თოდაძის ადვოკატი ამბობს, რომ სექსუალური ძალადობის საქმეზე თბილისის საკრებულოს ოცნების დეპუტატის, ილია ჯიშკარიანის ახლობლებმა მისი დაცვის ქვეშ მყოფს მორიგება შესთავაზეც. როგორც ადვოკატი ამბობს, დეპუტატის მეგობარი თოდაძის დედას რამდენიმე დღის წინ დაუკავშირდა და მორიგებაზე ესაუბრა.

ამის შესახებ ადვოკატმა მას შემდეგ განაცხადა, რაც თამთა თოდაძესთან ერთად პოლიციაში გამოკითხვაზე იმყოფებოდა. მისივე თქმით, ჯიშკარიანის ახლობლები ძალადობის უარყოფასა და საქმის წარმოების შეწყვეტას ითხოვდნენ. შეთავაზების სხვა დეტალებზე ადვოკატმა არაფერი თქვა.

თბილისის საკრებულოში ქართული ოცნების დეპუტატს, ილია ჯიშკარიანს თანამშრომელი სექსუალურ და ფიზიკურ ძალადობაში ადანაშაულებს. ძალადობის სავარაუდო მსხვერპლი მთავარ არხთან ყვება, რომ ჯიშკარიანმა მასზე სექსუალური ძალადობა სცადა, როცა გაქცევა მოახერხა, შემდეგ ფიზიკურად იძალადა. შინაგან საქმეთა სამინისტრომ გამოძიება სამი მუხლით დაიწყო.

ამავე თემაზე: