საქართველოს ექსპრეზიდენტმა, მიხეილ სააკაშვილმა ოდესაში სტუდენტებთან ქვეყნის ბრენდირების გამოცდილებაზე ისაუბრა. სააკაშვილმა აღნიშნა, რომ ბათუმი ტურისტულ ცენტრად აქცია მაშინ, როცა ქალაქში არაფერი იყო და დაამატა, რომ ოდესა პოტენციალით 100-150 ბათუმს უდრის, "გაზვიადების გარეშე".

სააკაშვილმა სტუდენტებს უამბო, რომ იდეებს სხვა ქვეყნების ტურისტული ადგილებიდან იღებდა. მაგალითად ამბობს, რომ ანბანის კოშკის იდეა ლონდონის დნმ-ის კოშკის მშენებლებს მოპარა. ხოლო ტექნოლოგიურ უნივერსიტეტში ეშმაკის ბორბლის აშენების იდეა, სინგაპურში სასტუმროს თავზე მდებარე აუზმა გაუჩინა.

ამ ისტორიების შემდეგ სააკაშვილმა თქვა, რომ ოდესას მსგავსი მიდგომა არ სჭირდება, რადგან "სუპერ მაგარია" და მხოლოდ ქალაქის "რეანიმაცია" საჭირო.

სააკაშვილი ოდესის გუბერნატორი იყო. მას შემდეგ, რაც ყოფილმა პრეზიდენტმა მას მოქალაქეობა ჩამოართვა, შემდეგ კი რეადმისიის პრინციპით ქვეყნიდან გაუშვა, სააკაშვილი ხშირად საუბრობს ოდესის აღმშენებლობის გეგმებზე.