როგორც ჰოლივუდის უცხოური პრესის ასოციაცია იტყობინება, ოქროს გლობუსის დაჯილდოებაზე მსახიობ ტომ ჰენკს საპატიო ჯილდოს სიამაყით გადასცემენ.

ტომ ჰენკსი ფილმებში 1980 წლიდან აქტიურად თამაშობს და დღეს ის მსოფლიოში აღიარებული, ჰოლივუდის ერთ-ერთი ყველაზე საყვარელი მსახიობია. მას სხვადასხვა დროს შესრულებული აქვს როლები ისეთ ცნობილ ფილმებში, როგორებიცაა Philadelphia, Forrest Gump, The Green Mile და კიდევ მრავალი სხვა.

ოქროს გლობუსის დაჯილდოება 2020 წლის 5 იანვარს გაიმართება, სადაც 63 წლის მსახიობს კინოში შეტანილი წვლილისთვის რეჟისორ სესილ დემილის სახელობის საპატიო ჯილდოს გადასცემენ.