სახელმწიფო უსაფრთხოების სამსახურის ანტიკორუფციულმა სააგენტომ თაღლითობის ბრალდებით ერთი პირი დააკავა და სამეწარმეო გულგრილობის ბრალდებით ერთი პასუხისგებაში მისცა. სუს-ის ინფორმაციით, ესენი არიან შპს ქართულ-ამერიკული სამშენებლო კომპანიისა და შპს არგი ჯგუფის დამფუძნებელი და დირექტორი.

უწყებაში ამბობენ, რომ შპს არგი-ჯგუფმა საგარეჯოს მუნიციპალიტეტის გამგეობის გამოცხადებულ ტენდერტში გაიმარჯვა და სკვერის მოწყობის სამუშაოებისთვის ქვეკონტრაქტორად დაიქირავა შპს ქართულ-ამერიკული სამშენებლო კომპანია. მათივე თქმით, ამ კომპანიის დირექტორმა დოკუმენტაციაში არასწორი მონაცემების შეიტანა და დაეუფლა საგარეჯოს მუნიციპალიტეტის კუთვნილ 8 886 ლარს.

სუს-ში განმარტავენ, რომ შპს არგი ჯგუფის დირექტორი მუნიციპალიტეტთან გაფორმებული ხელშეკრულების საფუძველზე პასუხისმგებელი იყო გაწეული სამუშაოს ხარისხსა და ვარგისიანობაზე, თუმცა მან არაჯეროვნად შეასრულა სამსახურებრივი მოვალეობა და ისე დაადასტურა დოკუმენტაცია, რომ არ გამოიკვლია შესრულებული სამუშაოები.

საქმეზე გამოძიება საქართველოს სისხლის სამართლის კოდექსის 180-ე მუხლის მე-2 ნაწილის "ბ" ქვეპუნქტით და 220-ე პრიმა მუხლის 1-ლი ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ვადით.