საქართველოს პრეზიდენტი, სალომე ზურაბიშვილი მთავარი არხის ჟურნალისტის კითხვებს პრესსპიკერის გათავისუფლების მიზეზზე არ პასუხობს. ჟურნალისტი პრეზიდენტს სახლთან დახვდა, ზურაბიშვილმა კი კომენტარის ნაცვლად მას მანქანაში ჩაჯდომა შესთავაზა.

"ჩაჯექით მანქანაში, იმიტომ რომ წვიმს, თორემ კითხვებზე პასუხს არ ვაპირებ, არ ვაპირებ მანქანაში გიპასუხოთ", — უთხრა პრეზიდენტმა ჟურნალისტს.

გუშინ, 9 სექტემბერს დღის დასაწყისში პრეზიდენტის მრჩეველი On.ge-სთან საუბრისას ამბობდა, რომ მოისწრაფიშვილი აღარ იქნება პრესსპიკერი, დღის ბოლოს კი ითქვა, რომ მას "ბიულეტენზე ყოფნის გამო უფლებამოსილება შეჩერებული აქვს".

ხატია მოისწრაფიშვილის თქმით, სხვა თანამდებობაზე გადაყვანა მასთან უნდა ყოფილიყო შეთანხმებული. ის ბიულეტენიდან გასვლის შემდეგ სამსახურის დატოვებას გეგმავს.