"ჩემი ღიმილი არ ეხებოდა კადრებს, არამედ ოპოზიციის ქმედებას და მათ უნიჭო წარმოდგენას", — ასე უპასუხა რეგიონული განვითარებისა და ინფრასტრუქტურის მინისტრობის კანდიდატმა მაია ცქიტიშვილმა პარლამენტში 20-21 ივნისის ვიდეოკადრების გაშვებაზე მის რეაქციას.

მინისტრობის კანდიდატი "გავრილოვის ღამისკადრების გაშვების დროს სიცილზე სოციალურ ქსელში გააკრიტიკეს.

საქართველოს პარლამენტში გახარიას მთავრობის მოსმენაზე ნაციონალურმა მოძრაობამ სიმღერა "გახარიას უხარია" ჩართო და 20-21 ივნისის აქციაზე რუსთავი 2-ის გადაღებული კადრები გაუშვა.

გახარიას მთავრობას საქართველოს პარლამენტში ევროპული საქართველოს ფრაქციის ფორმატში მოუსმინეს. პარტია კითხვებს მხოლოდ 20-21 ივნისის აქციაზე სვამდა. დღის პირველ ნაწილში გიორგი გახარიას ნაციონალური მოძრაობის ფრაქციაზე უსმენდნენ, სადაც მას სიმღერა "გახარიას უხარია" ჩაურთეს, შემდგომ დასმულ კითხვებზე მინისტრის პასუხებს არ მოუსმინეს და სხდომა დაასრულეს.