იუსტიციის მინისტრობის კანდიდატი, თეა წულუკიანი აცხადებს, რომ მარიამობის დღესასწაულთან დაკავშირებით შეწყალების კანდიდატები პენიტენციურ სამსახურთან და იუსტიციის სამინისტროსთან შეჯერებული არ ყოფილა. ასე გამოეხმაურა წულუკიანი პრეზიდენტის მიერ კაცის შეწყალებას, რომელმაც პოლიციელი მოკლა.

"ვფიქრობ, რომ როდესაც სახეზეა პოლიციელის, ჯარისკაცის, ესკორტის ოფიცრის ან ისეთი ადამიანის მკვლელობა რომელიც არის სახელმწიფოს სახე, მათი სიცოცხლის ხელყოფისთვის დაკავებულების შეწყალება არ მოხდეს, მე ამას ვისურვებდი", — თქვა მინისტრმა ჟურნალისტებთან.

საქართველოს პრეზიდენტმა, სალომე ზურაბიშვილმა შეიწყალა კაცი, რომელმაც ბათუმში პოლიციელი მოკლა.