პარლამენტის შენობის შესასვლელთან, სადაც #სირცხვილიას მონაწილეები არიან შეკრებილები, პოლიციამ კორდონი გააკეთა. ამის შესახებ ადგილიდან On.ge-ს ჟურნალისტი იუწყება.

მისი თქმით, შენობის კართან მდგომი აქტივისტები ძალის გამოყენებით გადაწია.

აქცია #სირცხვილიას მონაწილეებს პარლამენტის შენობაში არ უშვებენ. ამ მიზეზით, პარლამენტის შენობასთან აქცია დაპირისპირებაში გადაიზარდა. აქტივისტების თქმით, მათ აქვთ საშვები, თუმცა დაცვა შენობაში შესვლის უფლება არ აძლევს. ისინი შინაგან საქმეთა ყოფილი მინისტრის, გიორგი გახარიას პრემიერის თანამდებობაზე წარდგენას აპროტესტებენ. სწორედ მისი მინისტრობის დროს, 20 ივნისს ღამეს დაშალეს აქცია ძალის გადამეტებით.