სამართლიანი არჩევნების წარმომადგენელმა მოქალაქეებს პირველი განცხადება საარჩევნო უბნების გახსნისა და მოწყობის შესახებ 11 საათზე გააცნო:

"დამკვირვებლების მიერ მოწოდებული ინფორმაციის საფუძველზე, საარჩევნო უბნების გახსნისა და მოწყობის პროცესმა არსებითი ხასიათის დარღვევების გარეშე ჩაიარა. დაფიქსირდა საარჩევნო დოკუმენტაციის არასათანადოდ წარმოების 7, საკონტროლო ფურცლის არასათანადოდ შევსების 5, დამკვირვებლის უფლებების შეზღუდვის 2, უბანზე აგიტაციის 1 და საარჩევნო უბანზე არაუფლებამოსილი პირების ყოფნის 2 შემთხვევა. პირველი ამომრჩევლის მისაღებად მზად არ იყო საარჩენო უბნების 4,2 პროცენტი მაშინ, როდესაც 2012 წლის იგივე მონაცემი 8,8 პროცენტი იყო".

ISFED 2016 წლის 8 ოქტომბრის საპარლამენტო არჩევნების მთელი საქართველოს მასშტაბით, 1000-მდე დამკვირვებლის საშუალებით აკვირდება.

ვრცლად ამ დროისთვის ორგანიზაციის დაკვირვების შედეგებს გაეცანით აქ.