გასულ კვირას რუსმა ჟურნალისტმა თინა კანდელაკმა ტელეგრამზე დაწერა, რომ ერთ-ერთ წვეულებაზე კეტი პერი მისი სურვილის საწინააღმდეგოდ ცდილობდა მისთვის კოცნასა და შეხებას, თუმცა კანდელაკის სიტყვებით მან პერის "თავიდან მოშორება" შეძლო.

ამჯერად კანდელაკი წერს, რომ მას პერი სექსუალურ შევიწროებაში არ დაუდანაშაულებია და ამის შესახებ ცნობები ინტერპრეტაციის ნაწილია:

"წინა კვირას დასავლური ტაბლოიდებისა და კეტი პერის გარშემო არსებული ისტერიკის მთავარი გმირი გავხდი. ჩემი ტელეგრამის პოსტზე სხვადასხვა წონის და ხარისხის გამოცემებმა სტატიები დაწერეს. ყველას ჰგონია, რომ მე კეტი პერი დავადანაშაულე, მე რა თქმა უნდა კარგად მესმის რომ შევიწროება და #MeToo მოძრაობა ერთ-ერთი საკვანძო ტრენდია, მაგრამ მე ჩემი პოსტი კიდევ ერთხელ გადავიკითხე და იქ ბრალდების აღმნიშვნელი სიტყვა ვერ ვიპოვე. მე მოვყევი ჩემი ცხოვრებიდან კომიკური ეპიზოდი და საბოლოო ჯამში აბსოლუტური სიმშვიდით შევხვდებოდი იგივე ფაქტს, რომ განმეორებულიყო. არავითარ შემთხვევაში არ ვუჩივლებდი პერის სასამართლოში რამდენიმეწამიანი პოპულარობის გამო. ასე რომ გაიხსენეთ სხვა ეპიზოდები და სხვა "მსხვერპლები" თუ ეს ასე გახალისებთ, ამის გაკეთება რთული არ იქნება, რადგან ფაქტები აღარავის აინტერესებს და ისინი დიდი ხანია ინტერპრეტაციამ ჩაანაცვლა".

"ვარჯიშმა და ფიზიკურმა ძალამ შედეგი გამოიღო და მას შევებრძოლე, რის შემდეგაც კეტიმ მაშინვე გადაინაცვლა ახალი მსხვერპლისკენ (საუბედუროდ, ისევ ქალისკენ), კოცნით, შეხებითა და ბინძური ცეკვებით. შემიძლია ვთქვა, რომ წვეულებაზე არავინ დაშავებულა, თუმცა არ გამიკვირდება მისი გაუბედურებული თაყვანისმცემლებისგან, რომლებიც ყველაფერს წლების განმავლობაში ჩუმად ინახავდნენ, მსგავსი მოგონებების ახლა გახსენება", — წერდა კანდელაკი წინა პოსტში.

ამავე თემაზე: