საქართველოს სახელმწიფო უსაფრთხოების სამსახურის ინფორმაციით, თერჯოლის მუნიციპალიტეტის მერიიის ზედამხედველობის სამსახურის უფროსი სპეციალისტი ქრთამის აღების ბრალდებით დააკავეს. დაკავებულია ორი მოქალაქეც, რომელსაც მისთვის ქრთამის გადახდაში ედებათ ბრალი.

უწყების განცხადებით, მოქალაქეებმა მერიის თანამშრომელს უნებართვო მშენებლობაზე სამსახურებრივი მფარველობის გაწევა და რეაგირების განუხორციელებლობა სთხოვეს, რისთვისაც 1 000 ლარი შესთავაზეს. საქმეზე გამოძიება სისხლის სამართლის კოდექსის 338-ე მუხლის მეორე ნაწილის "გ" ქვეპუნქტითა და 339-ე მუხლის მეორე ნაწილით მიმინარეობს, რაც სასჯელის სახით 7-დან 11 წლამდე ვადით
თავისუფლების აღკვეთას ითვალისწინებს. საქმეს სახელმწიფო უსაფრთხოების სამსახურის ანტიკორუფციული სააგენტო იძიებს.