საქართველოს ტურიზმის ეროვნული ადმინისტრაციის მონაცემებით, მიმდინარე წლის ივლისში წინა წლის იმავე პერიოდთან შედარებით ტურისტების რაოდენობა გაიზარდა. On.ge-სთვის სააგენტოდან მიღებული მონაცემებით ირკვევა, რომ მატება ერთპროცენტიანი (5 505 ტურისტი) იყო. ამავე პერიოდში 4,3 პროცენტით გაიზარდა საერთაშორისო ვიზიტორების რაოდენობა.

ფოტო: ტურიზმის ეროვნული ადმინისტრაცია

ტოპ 15 ქვეყნიდან მხოლოდ სამ შემთხვევაში იყო პროცენტული კლება: ირანი (60,8%), აშშ (15,5%) და რუსეთი (6,4%).

ფოტო: ტურიზმის ეროვნული ადმინისტრაცია

რაც შეეხება იანვარი — ივლისის მონაცემებს. ამ პერიოდში საქართველოში ტურისტების რაოდენობა 8 პროცენტით არის გაზრდილი, რაც რიცხვებში 198 873-ია.

ფოტო: ტურიზმის ეროვნული ადმინისტრაცია

2 აგვისტოს საქართველოს პრემიერმა, მამუკა ბახტაძემ საქართველოში ლარის გაუფასურების ერთ-ერთ მიზეზად საქართველოში ტურისტების რაოდენობის შემცირება დაასახელა. როგორც ტურიზმის ეროვნული ადმინისტრაციის მიერ გავრცელებულ მონაცემებშია ასახული, წელს პირველ თვეში წინა წელთან შედარებით ტურისტების რაოდენობა 8 პროცენტით გაიზარდა, ივლისში კი მხოლოდ ერთი პროცენტით.