მას შემდეგ, რაც მობილურმა ოპერატორმა მაგთიმ ერთ-ერთი უმსხვილესი ინტერნეტპროვაიდერის, კავკასუს ონლაინის საცალო მომსახურების სერვისი შეიძინა, სხვა ინტერნეტ პროვაიდერის შეძენის სურვილიც გამოხატა.

საქართველოს კომუნიკაციების ეროვნული კომისიის ცნობით, შპს მაგთიკომის მიერ შპს დელტა კომის 100% წილის შეძენის განზრახვაზე წინასწარი თანხმობის მიცემის თაობაზე, საჯარო ადმინისტრაციული წარმოება უკვე დაიწყო.

საჯარო ადმინისტრაციული წარმოების ფარგლებში კომისია შპს მაგთიკომის მიერ შპს დელტა კომის 100% წილის შეძენის შემთხვევაში, ბაზრის შესაბამის სეგმენტებზე არსებულ კონკურენციაზე შესაძლო გავლენის შეისწავლის. შპს დელტა კომი ადგილობრივი დაშვების ფიქსირებული და მაგისტარლური ქსელების მფლობელი ინტერნეტპროვაიდერია. კომპანიას ინფრასტრუქტურა შემდეგ გეოგრაფიულ ერთეულებში გააჩნია: თბილისი, კახეთი, მცხეთა-მთიანეთი, სამეგრელო-ზემო სვანეთი, სამცხე-ჯავახეთი, ქვემო ქართლი და შიდა ქართლი.

საკითხის ზეპირი მოსმენის სხდომა საქართველოს კომუნიკაციების ეროვნულ კომისიაში მიმდინარე წლის 4 ნოემბერს 15:00 საათზე გაიმართება. სხდომა საჯაროა.