თავდაცვის ყოფილმა მინისტრმა და გამარჯვებული საქართველოს ლიდერმა, ირაკლი ოქრუაშვილმა საპატიმრო დაწესებულებიდან მიმართვა გაავრცელა. წერილის ფოტოს იმედიუნის ავრცელებს.

"ივანიშვილის ხელისუფლებიდან მოშორებისთვის, თუ საჭიროა ციხეში ვიჯდე, ვიჯდები იმდენ ხანს რამდენ ხანსაც მომიწევს. ციხიდან არანაკლებ გავაგრძელებ მისი ხელისუფლების ნგრევას და არ დავუთმობ არც რუსთავი 2-ს და ვერც სხვა საქმეებზე გამაჩერებს", — წერია მიმართვაში.

ფოტო: იმედინიუსი

ირაკლი ოქრუაშვილი გუშინ, 25 ივლისს დააკავეს. მის დაპატიმრებას რუსთავი 2-ის საქმეს უკავშირებს ოპოზიციაც. ოქრუაშვილი ამბბოდა, რომ არხის 100 %-იანი წილი მას ეკუთვნის.

შსს-მ ოქრუაშვილი 4 პირთან ერთად 20 ივნისის საქმეზე დააკავა. დაკავებულებს ბრალად ჯგუფური ძალადობა ედებათ.

დღეს, 26 ივლისს პარლამენტის ოპოზიციონერი დეპუტატები რუსთავი 2-ის დამფუძნებლებს, ჯარჯი აქიმიძესა და დავით დვალს ხვდებიან. დვალის თქმით, ისინი უკვე შეხვდნენ არხის ახალ დირექტორს პაატა სალიას. მისივე თქმით, მას არ სჯერა რუსთავი 2-ის სარედაქციო დამოუკიდებლობის შენარჩუნების.