თბილისში, ბაგებში წყნეთის გზატკეცილის #37-თან მშენებარე კორპუსის სახურავზე მუშები სპეციალური აღჭურვილობის გარეშე მუშაობენ. შესაბამისი ვიდეო ფეისბუქმომხმარებელმა გიორგი კონტუაძემ გაავრცელა. მისი თქმით, კადრები 21 ივლისს არის გადაღებული. ნახევარწუთიან ვიდეოში ჩანს, რომ ხუთი მუშა მშენებარე კორპუსზე ჩაფხუტისა და დამცავი თოკების გარეშე დგას და სამშენებლო მასალებს ეზიდება.

On.ge დაუკავშირდა თბილისის ზედამხედველობის სამსახურს, სადაც განაცხადეს, რომ ცხელ ხაზზე არ შესულა შეტყობინება, თუმცა გავრცელებული ვიდეოს საფუძველზე, ობიექტის გადასამოწმებლად, ადგილზე მუნიციპალური ინსპექციის ჯგუფი მივა. უწყების ცნობით, დარღვევის შემთხვევაში კანონის შესაბამის სამქციებს გაატარებენ.