რომის პაპმა ფრანცისკემ პრეზიდენტის სასახლეში სიტყვით გამოსვლისას საქართველოში მიწვევისთვის პრეზიდენტს მადლობა გადაუხადა და ქვეყანაში ქრისტიანობის როლზეც ისაუბრა:

"პატივცემულო ხელისუფალნო, დიპლომატიური კორპუსის აღმატებულო წარმომადგენლებო, ქალბატონებო და ბატონებო, მადლობას ვუძღვნი ყოვლისმპყრობელ ღმერთს რომ შესაძლებლობა მომცა ვწვეოდი ამ კურთხეულ მიწას, კულტურათა და ცივილიზაციის შეხვედრათა და საციცოცხლო ურთიერთობის გაცვლის ადგილს, რომელმაც მეოთხე საუკუნეში წმინდა ნინოს ქადაგებიდან მოყოლებული ქრისტიანობაში პოვა თავისი სიღრმისეული მეობა და საკუთარ ფასეულობათა მყარი საფუძველი.

როგორც წმინდა იოანე პავლე მეორემ თქვენს ქვეყანაში სტუმრობისას განაცხადა, ქრისტიანობა იქცა იმ მარცვლად, რომლიდანაც შემდგომში აყვავდა ქართული კულტურა.

ამ მარცვალს დღემდე მოაქვს თავის ნაყოფი. მადლიერებით ვიგონებ რა ჩვენს შარშანდელ შეხვედრას ვატიკანში და იმ კეთილ ურთიერთობებს, რომლებსაც საქართველო მუდამ ინარჩუნებდა".

პაპმა გულითადი მადლობა გადაუხადა გიორგი მარგველაშვილს მოწვევისა და თბილი მისასალმებელი სიტყვისათვის. On.ge პერიოდულად შემოგთავაზებთ პაპის გამოსვლის მნიშვნელოვან აქცენტებს.

რომის პაპი ფრანცისკე საქართველოს დღეს ესტუმრა და ის თბილისიდან ბაქოში 2 ოქტომბერს გაემგზავრება. პაპი ფრანცისკე დღეს პირისპირ შეხვდება ილია მეორესაც.