საქართველოს პრეზიდენტი სალომე ზურაბიშვილი აკრიტიკებს მართლმადიდებლობის საპარლამენტო ასამბლებას და "მართლმადიდებულ კავშირს ოკუპანტთან". ამის შესახებ სალომე ზურაბიშვილმა ფეისბუქზე დაწერა.

პრეზიდენტმა გააკრიტიკა საქართველოს პარლამენტში მიმდინარე სესია, სადაც რუსმა დეპუტატმა სერგეი გავრილოვმა მართლმადიდებლური ასამბლეის სხდომის წასაყვანად საქართველოს პარლამენტის თავმჯდომარის სკამი დაიკავა.

"მართლმადიდებლობის საპარლამენტთაშორისო ასამბლეა, რას ნიშნავს? რა მართლმადიდებლური კავშირი და ურთიერთობა შეიძლება არსებობდეს ჩვენ და იმ ქვეყანას შორის, რომელიც არა მხოლოდ ჩვენ ქვეყნის ტერიტორიების ოკუპანტია, არამედ ებრძვის რელიგიასაც და ყველა ქრისტიანულ წესს. რომელიც კრძალავს — გუშინწინდელი მაგალითი გრემისხევში — ქართველ და ოს ქრისტიანთა ხატთან ერთობლივ მისვლას და ლოცვას, საკუთარ დედ-მამის საფლავების კურთხევას, აფხაზეთის ქართულ ეკლესიების აღდგენას! აქ მართლმადიდებლური არც არაფერია ! რუსეთისთვის ჩვეულებრივი ხერხი, ე.ი. პოლიტიკურ მიზნებისთვის გამოყენებული რელიგია! და თუ ეს ასეა ამ პოლიტიკურ თამაშს, რატომ ვთამაშობთ ჩვენც?", — ვკითხულობთ სალომე ზურაბიშვილის განცხადებაში.

რუსი დეპუტატების საქართველოში ყოფნასა და საპარლამენტო ასამბლეის სხდომის წაყვანას პარლამენტის თავმჯდომარის სავარძლიდან ოპოზიციონერი დეპუტატებისც აკრიტიკებენ. ევროპული საქართველოს დეპუტატი ელენე ხოშტარია პარლამენტის თავმჯდომარის სავარძელთან, სადაც რუსი დეპუტატი იჯდა, საქართველოს დროშით ავიდა და მაგიდაზე დატოვებული ფურცლები დახია. ამ დროისთვის ოპოზიციონერი დეპუტატები პარლამენტის თავმჯდომარის სკამთან არიან შეკრებილები და აცხადებენ, რომ ასამბლეა არ განახლდება