საგანგებო სიტუაციების მართვის სამსახურის ინფორმაციით, თეთნულდის მთაზე 4 კაციანი ტურისტული ჯგუფიდან ერთი სლოვაკეთის მოქალაქე გადავარდა და დაიღუპა. უწყების განცხადებით, საძიებო სამუშაოების შემდეგ გარდაცვლილი ტურისტი მთის ფერდობზე იპოვნეს და მესტიაში გადმოასვენეს.

უწყებაში ამბობენ, დანარჩენმა ტურისტებმა მაშველების დახმარებაზე უარი თქვეს და მესტიისკენ გზა ფეხით გააგრძელეს. მათივე თქმით, მათთან მუდმივ კავშირზე იმყოფება სამაშველო სამსახური და მათ ჯანმრთელობას საფრთხე არ ემუქრება. მომხდარზე დაწყებულია გამოძიება.