პარლამენტის თავჯდომარის მოადგილე მანანა კობახიძე უსუფაშვილს აკრიტიკებს და აცხადებს, რომ არასწორი გადაწყვეტილებაა მისგან ივანიშვილთან პირადი მიმოწერის გამოქვეყნება:

"ეს პაექრობა არაფერს მატებს უსუფაშვილს, და მითუმეტეს არაფერს აკლებს ბიძინა ივანიშვილს. ჩვენც ბევრი შეიძლება გვაქვს სათქმელი, მაგრამ ყველაფერი არ ითქმის და გარეთ გამოტანა არ შეიძლება".

მანანა კობახიძე კვირის პალიტრასთან ინტერვიუში დასძენს, რომ თინა ხიდაშელი მაშინ იქნებოდა გულწრფელი, თუ ის ოპოზიციაში თავდაცვის მინისტრის პოსტიდან გადადგომამდე წავიდოდა.

მან ასევე აღნიშნა, რომ როდესაც ნაძალადევში თამარ კორძაიას კანდიდატურას წარადგენდნენ, საზოგადოებისთვის განმარტების მიცემა მოუწიათ, რომ რესპუბლიკელებიც მატი პარტიის წევრები იყვნენ:

"ამომრჩეველმა კარგად იცოდა, რომ კორძაია იდეოლოგიითა და შეხედულებებით რესპუბლიკელი იყო, თუმცა ჩვენი პარტიის წარდგენით დაუჭირეს მხარი. იგივე ითქმის თამარ ხიდაშელზეც. თუ საზოგადოებას რესპუბლიკელები არ მოსწონს, ბიძინა ივანიშვილის ბრალია?"

მანანა კობახიძემ დასძინა, რომ უამრავ საკითხზე რესპუბლიკელებსა და ქართულ ოცნებას წინააღმდეგობები ჰქონდათ.