ინტერნეტი ჩვენი დროის მთავარი აღმოჩენაა, რომელიც სამყაროს ახლებურად აღქმაში გვეხმარება. მისი განვითარების შემდეგ თითქმის ყველა სფეროში რევოლუციური გარდაქმნები დაიწყო, რაც პირდაპირ აისახა ჩვენი ცხოვრების სტილზე, კომუნიკაციაზე და შოპინგის სახეობაზეც კი. რაც მეტი დრო გადის, ელექტრონული კომერცია მეტად გავლენიანი ხდება და ჩვენს ცხოვრებაში უფრო დიდ ადგილს იკავებს. როდესაც ვფიქრობთ, რომ რაიმე ახალი ტექნიკის შეძენა გვსურს, პირველ რიგში სწორედ ონლაინ შოპინგის საიტებს ვათვალიერებთ და ხშირად იქვე ვყიდულობთ.

ადამიანების უმეტესობა თანხმდება, რომ ელექტრონულმა კომერციამ ყიდვა-გაყიდვის პრინციპები გაამარტივა, რაც ჩვენს არჩევანზეც აისახა.

თუკი ადრე სახლის მოსაწყობად, სამუშაო სივრცის შესაბამისი ტექნიკით აღსაჭურვად, ტანსაცმელების ასარჩევად ან თუნდაც, სამზარეულოს ჭურჭლის შესაძენად ერთი მთლიანი თავისუფალი დღე, შემდეგ რიგებში დგომა, ბევრი სიარული და ტრანსპორტში დროის კარგვა გვჭირდებოდა, ელექტრონულმა კომერციამ ეს რეალობა შეცვალა. ახლა საჭიროა კარგად მოკალათდეთ სახლში, ჩართოთ კომპიუტერი და სულ რამდენიმე წუთი დაგჭირდებათ, რათა ცარიელი სამზარეულო ჭურჭლით შეავსოთ, გარდერობი ტანსაცმლით, სამუშაო სივრცე ავეჯითა და ტექნიკით, ხოლო მაცივარი — სასურველი პროდუქტით.

გარდა ამისა, ელექტრონული კომერციის ერთ-ერთი მთავარი პლუსი ისაა, რომ შეძენილი პროდუქტის დაბრუნება ან გადაცვლა გაცილებით უფრო მარტივია, ვიდრე პირდაპირი შესყიდვის დროს. თქვენ გაქვთ ელექტრონულად გაფორმებული შეკვეთა, რომელიც არ იკარგება, განსხვავებით მაღაზიებში მიღებული ჩეკებისგან, რომლის გარეშეც პროდუქტს არავინ დაიბრუნებს ან გადაგიცვლით. მაგალითად: თუ თქვენ შეიძენთ მაცივარს და სახლში მიტანის დროს აღმოაჩენთ, რომ თქვენს სამზარეულოს არ უხდება, ფაქტთან შეგუება მოგიწევთ. არადა, ონლაინ შოპინგის შემთხვევაში, შეგიძლიათ მიწეროთ საიტს, რომელიც გამოაგზავნის თავის კურიერს, მაცივარს წაიღებს და გადაგიცვლით თქვენთვის სასურველში.

მარტივია, არა?!

თქვენ შეიძლება ფიქრობდეთ, რომ ეს ყველაფერი კი მართალია, მაგრამ საქართველოში ნაკლებად ხდება ასეო. ეს რომ რამდენიმე თვის წინ გეთქვათ, მართლები იქნებოდით, მაგრამ დღეს რეალობა განსხვავებულია. საქართველოში უკვე გაიხსნა ახალი ონლაინ შოპინგის პლატფორმა Vendoo, რომელსაც ახალი მიდგომები და სტანდარტები აქვს ელექტრონული კომერციის მიმართულებით.

რა არის Vendoo?

Vendoo გამოირჩევა კომფორტული და მარტივი ვებგვერდით, სწრაფი მიტანის სერვისით მთელი საქართველოს მასშტაბით, ასევე ნივთის დაბრუნების განსაკუთრებული პირობებით. სასურველი პროდუქციის შეძენა ნებისმიერ დროს, 24/7-ზეა შესაძლებელი, კვალიფიციური კონსულტანტები კი მომხმარებელს სრულფასოვან სატელეფონო და ონლაინ მომსახურებას უწევენ.

საიტზე რომ შეხვალთ, მარტივი და მეგობრული დიზაინის დახმარებით ადვილად გაიკვალავთ გზას სასურველი კატეგორიებისკენ. ვებგვერდი ახალი გაშვებულია, თუმცა უკვე პროდუქტის მრავალფეროვნება შესამჩნევია. საიტს ყოველდღიურად ემატება 200-ზე მეტი ახალი პროდუქტი, სულ მალე კი ახალი კატეგორიებიც დაემატება.

ამჟამად ვენდუზე სამი ძირითადი კატეგორიაა:

• ტექნიკა;
• საბავშვო;
• თავის მოვლის საშუალებები;

თითოეულ კატეგორიაში 5000-ზე მეტი პროდუქტია განთავსებული. ასე რომ, შეგიძლიათ ჩაუჯდეთ საიტს და უსასრულოდ ეძებოთ სასურველი ნივთები, გამოიწეროთ და რაც მთავარია, ისიამოვნოთ პროცესით. როგორც უკვე აღვნიშნეთ, არჩევანი ყოველდღიურად გაიზრდება, ამიტომ რაც უფრო ხშირად ეწვევით საიტს, მით მეტს აღმოაჩენთ.

სხვა ყველაფერთან ერთად, Vendoo-ს რაც გამოარჩევს, იმავე დღის მიტანის სერვისია. ზიხართ კომპიუტერთან, ირჩევთ სასურველ პროდუქტს, რომელიც კურიერს იმავე დღეს მოაქვს თქვენს მისამართზე. ასეთი მიდგომით კომპანია თავის სლოგანს "სურვილის სისწრაფით" მთლიანად ამართლებს.

Vendoo.ge-ზე თქვენ შეხვდებით სპეციალურ შეთავაზებების კატეგორიასაც, რომელშიც ყოველდღიური ფასდაკლებებით შეგიძლიათ შეიძინოთ სასურველი ნივთები და დაზოგოთ ბევრი ფული.

თუ თქვენ თავად ხართ ბიზნესის მფლობელი და გინდათ, ვენდუზე თქვენი პროდუქციაც მოხვდეს, მაშინ ახალ ელექტრონული კომერციის პლატფორმაზე უნდა დარეგისტრირდეთ. ვენდუს პარტნიორი თუ გახდებით, კომპანია გამართული სასაწყობე სისტემით, ონლაინ მარკეტინგული მომსახურებითა და სწრაფი მიწოდების სერვისით უზრუნველყოფს თქვენი პროდუქტის გაყიდვას. ეს მომსახურება კი შესაძლებლობას მოგცემთ, საკუთარი პროდუქცია მთელი საქართველოს მასშტაბით გაყიდოთ და გააფართოვოთ ბიზნესი.