სიღნაღის მუნიციპალიტეტში, სოფელ ქვემო მაჩხაანის საბავშვო ბაღში თაბაშირ-მუყაოს ჭერი ჩამოვარდა. როგორც მუნიციპალიტეტის მერის მოადგილემ, მადონა ბატიაშვილმა On.ge-ს უთხრა საბავშვო ბაღში ჭერის სამუშაოები 2016 წელს შესრულდა, რისთვისაც ადგილობრივი მუნიციპალიტეტიდან 3 000 ლარი გამოიყო.

შემთხვევა 28 მაისს მაშინ მოხდა, როდესაც ბაღში არავინ იყო. თაბაშირ-მუყაოს ჭერი ერთ-ერთ ოთახში ჩამოვარდა და ინცდინეტის შედეგად არავინ დაშავებულა. ბატიაშვილის თქმით, ჭერი უხარისხოდ იყო შესრულებული:

"მიუხედავად იმისა, რომ საგარანტიო პერიოდი გასულია, კომპანიას, რომელმაც გააკეთა ჭერი, ეცნობა და ადგილზე არიან, დემონტაჟი გააკეთეს და მიმდინარეობს სარეაბილიტაციო სამუშაოები", — აღნიშნა მერის მოადგილემ და დაამატა, რომ ზარალი 1 000-1 500 ლარამდეა.