25 აპრილიდან ნიკორა სუპერმარკეტის ნებისმიერი პროდუქტის მოტანა Glovo-ს მეშვეობით ყველაზე მარტივად შეგეძლებათ. ამასთანავე მაისის ბოლომდე ნებისმიერ მომხმარებელს უფასო მიტანის სერვისით სარგებლობა შეუძლია.

ახალი კონცეფცია, რომელიც ნიკორა სუპერმარკეტმა და Glovo-მ ერთობლივად შეიმუშავეს, ოპერაციული პროცესების გამარტივების ხარჯზე, საშუალებას იძლევა მომხმარებელმა შეკვეთა წუთებში მიიღოს.

ნიკორა სუპერმარკეტის პროდუქციის ჩამონათვალის ხილვა შესაძლებელია Glovo-ს სურსათის კატეგორიაში. 1 000-მდე დასურათებული ასორტიმენტი მომხმარებლისთვის კიდევ უფრო ამარტივებს სურსათის ონლაინ ყიდვის პროცესს.

ამასთანავე, მომხმარებელი არ არის შეზღუდული მინიმალური შეკვეთის ოდენობაში და ანგარიშსწორება შესაძლებელია, როგორც ნაღდი ფულით, ასევე ბარათით.

მაისიდან, Glovo-ს და ნიკორა სუპერმარკეტის თანამშრომლობა საქართველოს სხვა სამ დიდ ქალაქზე, ქუთაისზე, ბათუმსა და რუსთავზეც გავრცელდება.