აღდგომის დღესასწაულთან დაკავშირებით თბილისში საზოგადოებრივი ტრანსპორტი უფასო იქნება, მეტრო კი გახანგრძლივებულ რეჟიმში იმუშავებს. თბილისის მერიის სატრანსპორტო სამსახურის უფროსის, მამუკა მუმლაძის განცხადებით, მეტრო 27 აპრილის 23 საათიდან 28 აპრილის დილის 4 საათამდე იმუშავებს.

მუმლაძის თქმით, დაემატება ავტობუსების 8 ახალი მარშრუტი, რომელიც მეტროსადგურებიდან სასაფლაოების მიმართულებით იმოძრავებს. მისი თქმით, ძირითადად ეს მეტროსადგურები არის ვარკეთილი, დიდუბე, ვაგზლის მოედანი, სარაჯიშვილი, მარჯანიშვილი.