HBO-მ ერთგულ მაყურებელს ორმაგი სიურპრიზი გაუკეთა. სწორედ იმ დროს, როდესაც მაყურებელი ერთ-ერთი ყველაზე რეიტინგული სერიალის სამეფო კარის თამაშები ფინალური სეზონის პირველი ეპიზოდის მოლოდინშია, არხმა კიდევ ერთი რეიტინგლი სერიალის დიდი პატარა ტყუილები მეორე სეზონის პირველი ტიზერი გაავრცელა.

სულ მალე საშუალება გვექნება გავიგოთ, თუ როგორ გრძელდება სელესტის, მედელინის, ჯეინის, რენატასა და ბონის ისტორია. დიახ, HBO-ს სერიალი Big Little Lies მეორე სეზონით სწორედ წელს ბრუნდება.

მაყურებელს ერთი სული აქვს ნახოს 2017 წელს, ემისა და ოქროს გლობუსის გამარჯვებული საუკეთესო მინისერიალი ნიკოლ კიდმანის, რიზ უიზერსპუნის, ლორა დერნის, შეილინ ვუდლის, ზოი კრავიცისა და ამიერიდან უკვე ცოცხალი ლეგენდის, მერილ სტრიპის მონაწილეობით.

სერიალი ეთერში 9 ივნისს დაბრუნდება.