ვიკილიქსის დამფუძნებლის, ჟულიან ასანჟის დაპატიმრებას მისი მეგობარი და მსახიობი პამელა ანდერსონი ტვიტერზე ეხმაურება.

ანდერსონი აკრიტიკებს როგორც ეკვადორსა და დიდ ბრიტანეთს, ასევე ამერიკას:

"შოკში ვარ, არ მესმოდა რას ამბობდა დაკავების დროს. საშინლად გამოიყურებოდა. როგორ შეგეძლო ამის ჩადენა ეკვადორს? ალბათ იმიტომ, რომ მან გამოააშკარავა. როგორ შეეძლო დიდ ბრიტანეთს? ის ხომ ამერიკის ძუკნაა და თავისი სულელური ბრექსიტიდან ყურადღების გადატანა სურს".

"და ამერიკა? ეს მომწამვლელი, ლაჩარი პრეზიდენტი. მას თავისი პოლიტიკის წარმართვა სურს? ბოროტი და ეგოისტი ხარ და მთელი სამყარო უკან წაწიე. თქვენ ხართ ეშმაკები, ქურდები და მატყუარები. და თქვენ დაეცემით და ჩვენ აღვზევდებით".

მოგვიანებით პამელა ანდერსონმა დასახმარებლად ამერიკელ რეპერს და ტრამპის მხარდამჭერს კანიე ვესტს წერილით მიმართა და ასანჟის გათავისუფლებაში დახმარება სთხოვა:

"ის 6 წელი პატარა ოთახში იყო გამომწყვდეული, ახლა კი არაფერთან აქვს წვდომა. ის ლიდერია და გენიოსია. საზოგადოების მხარდაჭერას მისი გათავისუფლება შეუძლია".

ჟულიან ასანჟი ეკვადორის საელჩოს 2012 წლიდან აფარებდა თავს. პოლიციამ ასანჟი მას შემდეგ დააკავა, რაც ეკვადორმა მას საელჩოში თავშესაფრის მიცემაზე უარი უთხრა.