დეტალები, რომლებიც Avengers: Endgame-ის ახალი კადრებიდან გავიგეთ
დღეს 2 აპრილია, რაც იმას ნიშნავს, რომ 24 დღეში ეკრანებზე Avengers: Endgame-ს ვნახავთ. ამასთან დაკავშირებით Marvel-მა სპეციალური ვიდეო შემოგვთავაზა, რომელმაც ისევ უამრავი უპასუხო კითხვა დაგვიტოვა, თუმცა ახალი საინტერესო დეტალებიც გაგვაგებინა. თუ მზად ხართ ყველა ნერვი დაძაბოთ და მარველის დატოვებული მესიჯები კადრებიდან ამოიცნოთ, შემოგვიერთდით.
თრილერის დასაწყისში შურისმაძიებლების ბაზას ვხედავთ, სადაც ბრიუს ბენერი, იგივე ჰალკი ამბობს, რომ გეგმის განსახორციელებლად ცოტანი არიან. პასუხად გვესმის ჯეიმს როუდის ფრაზა: "იმიტომ, რომ მან ჩვენი მეგობრები დახოცა". აშკარაა, რომ შურისმაძიებლები თანოსის დამარცხების გეგმაზე მუშაობენ.
აქვე ისმის შავი ქვრივის უკვე ნაცნობი სიტყვები, რომელიც წინა თრილერში გავიგეთ: "ჩვენ ვალდებული ვართ გავაკეთოთ ეს, ყველა იმ ადამიანისთვის, ვინც ამ ოთახში არ არის".
ტრეილერი საკმაოდ დრამატულია. ჯერ წვიმაში მარტო დარჩენილ შავი ქვრივს ვხედავთ, შემდეგ კი თვალცრემლიან ნებულას და როკეტს, რომლებიც გარდაცვლილ გრუტს, გამორას და პიტერს გლოვობენ. პარალელურად ისმის ფრაზა: "მთავარი ისაა, თუ რამდენი დაგვრჩა და არა ის, რამდენი დავკარგეთ".
შემდეგ კი ჩანს ის, რასაც სულმოუთქმელად ველოდით. ბოლოს და ბოლოს, პეპერ პოტსი და ტონი სტარკი ერთად არიან. გილოცავთ, ტონი მშვიდობიანად დაბრუნდა დედამიწაზე.
ფოტო: კადრი ვიდეოდან / Marvel Entertainment
ფოტო: კადრი ვიდეოდან / Marvel Entertainment
თანაც კარგ ფორმაში და ბრძოლის ხასიათზე.
მართალია ეს კადრი წინა ტრილერშიც ვნახეთ და უკვე ვიზეიმეთ, რომ კაპიტანი მარველი შურისმაძიებლებს შეუერთდა, მაგრამ გვინდა კიდევ ერთხელ გაჩვენოთ. ეს მზერები მეტყველებს, რომ თორსა და კაპიტან მარველს შორის გალაქტიკათშორისი გრძნობები გაჩნდება, ან კუნთების დატოლება წავა, უცხოპლანეტელი ღმერთებისას რას გაიგებ.
ფოტო: კადრი ვიდეოდან / Marvel Entertainment
ფოტო: კადრი ვიდეოდან / Marvel Entertainment
"ზოგი ჭირი მარგებელია" ისე არაფერს უხდება, როგორც ამ სიტუაციას. სამოქალაქო ომის შემდეგ პირველად ტონი სტარკსა და სტივ როჯერსს შორის ნდობა აღდგა, რაც გმირული ხელის ჩამორთმევით დაგვირგვინდა.
ფოტო: კადრი ვიდეოდან / Marvel Entertainment
ფოტო: კადრი ვიდეოდან / Marvel Entertainment
ძველ მეგობართან შერიგება კარგია, მაგრამ როგორც ჩანს ტონი ახალი მეგობრის, პიტერ პარკერის დაკარგვას ვერ ეგუება. შეგახსენებთ, რომ სპაიდერმენიც თანოსის დატკაცუნებამ იმსხვერპლა.
ვიდეოდან ვიგებთ იმასაც, რომ კაპიტანი მარველი თავისი ჰიპერმაგარი ხომალდით შურისმაძიებლებს კოსმოსში ასეირნებს. შეიძლება ტიტანზე მიემართებიან ან უბრალოდ ცდილობენ საომარი მოქმედებები დედამიწას გაარიდონ.
სწორედ ამ დროს კადრში შიშისმომგვრელი, უზარმაზარი ხომალდი ჩნდება. სავარაუდოდ, თანოსის.
ამ ვარაუდის სისწორეში ნებულას სახის გამომეტყველება გვარწმუნებს.
აი, აქ კი ყველაფერი თავდაყირა დგება. წარმოდგენაც კი არ გვინდა რა გააკეთა თანოსმა ისეთი, რომ თორის სახეზე ეს შეშფოთება გაჩნდა.
ჯანდაბას თორი, თავად როკეტიც კი შეშინებულია.
და კაპიტანი ამერიკა "გალახული".
ამ დროს კადრში პომპეზურად ჩნდება თანოსი, რომელიც ახალ აბჯარშია შემოსილი. გაიხსენეთ, სწორედ ეს აბჯარი ვნახეთ პირველ თრილერში.
თანოსის გამოჩენის შემდეგ ლოგიკურიც კია კადრში ნანგრევების გამოჩენა, აქვეა ტონი სტარკიც. გვერჩივნა გვეთქვა, რომ მოქმედება ამ დროს ტიტანზე ვითარდება, მაგრამ ნანგრევები ცხადყოფს, რომ დიდი ომი დედამიწამ გადაიტანა.
და ბოლოს ყველაზე მნიშვნელოვანი, რაც ამ კადრებიდან გავიგეთ — რკინის კაცი, კაპიტანი ამერიკა და თორი მუხლჩახრილ თანოსს ეწვევიან. იქნებ სწორედ ეს არის ის ერთადერთი შანსი არსებული 14 605 000-დან, რომელშიც დოქტორმა სტრეინჯმა თანოსის დამარცხება დაინახა?!
ზედმეტად ოპტიმისტები იმასაც ვფიქრობთ, რომ ეს წითელი მოსასხამი შესაძლოა დოქტორ სტრეინჯს ეკუთვნოდეს, მაგრამ ამის მტკიცებულება არ გვაქვს. არგუმენტად მხოლოდ იმის მოყვანა შეგვიძლია, რომ ტონი სტარკი ცოტათი შეჭაღარავებულს გავს, რაც შეიძლება დროში მოგზაურობის შედეგი იყოს. დროში მოგზაურობას კი ის მხოლოდ დოქტორის დახმარებით შეძლებდა. მაგრამ ეს იდეა არსებობის იდეას კარგავს თუ გავითვალისწინებთ, რომ დოქტორმა ქვა თანოსს გადასცა. მაგრამ, ფანები ამბობენ იმასაც, რომ დოქტორი ჭკვიანია და მოგზაურობას ქვის გარეშეც შეძლებდა.
მოკლედ, თეორია ბევრია, თუმცა 24 აპრილამდე ვერ გავიგებთ დაგვიბრუნდებიან თუ არა თანოსის დატკაცუნებით გამქრალი საყვარელი გმირები და ერთი ანტიგმირიც. ლოკის გარეშე ხომ ვერცერთი სამყარო იქნება სრულფასოვანი.
ნახეთ ვიდეო და გაგვიზიარეთ დეტალები, რომლებიც ჩვენ ვერ შევამჩნიეთ.
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
კომენტარები