შეიძლება სხვისი წარბები ისე გაღიზიანებდეს, რომ ადამიანს მოკვლით ემუქრებოდე? როგორც ჩანს, კი.

22 წლის მოდელს, რომელსაც გადაბმული წარბები აქვს, ინტერნეტში დასცინიან და მოკვლითაც კი ემუქრებიან.

მოდელის თქმით, ის ცდილობს, ნეგატიურ კომენტარებს ყურადღება არ მიაქციოს და მხოლოდ კომპლიმენტებზე კონცენტრირდეს.

წარმოშობით კვიპროსელ სოფიას, რომელიც ახლა ლონდონში ცხოვრობს, ინსტაგრამზე 300 ათასზე მეტი გამომწერი ჰყავს.

ფოტო: sophiahadjipanteli

"არასდროს ვყოფილვარ თავდაჯერებული, რადგან ჩემი წარბების, ემიგრანტი მშობლებისა და ინგლისურის არცოდნის გამო სკოლაშიც ხშირად დამცინოდნენ", — ამბობს მოდელი და აღნიშნავს, რომ სულაც არ არის სასიამოვნო მუქარის შემცველი კომენტარების კითხვა.

სოფიას თქმით, მისი მიზანია ადამიანები დააფიქროს იმაზე, რომ სილამაზეს მხოლოდ ერთი სახე არ აქვს და საკუთარი განსხვავებული გარეგნობა შეიძლება მთელი გულით შეგიყვარდეს.