თიბისი ბანკის დამფუძნებლის, მამუკა ხაზარაძის ადვოკატის, ზვიად კორძაძის თქმით, მამუკა ხაზარაძის სახელით 2 ნოემბერს განცხადება სახელით "რევანშიზმის დრო არ არის" მუქარის გამო გავრცელდა. ამის შესახებ ადვოკატი On.ge-ს ესაუბრა.

"ასე შეასრულა დავალება, რომ თიბისი ბანკს არ შექმნოდა პრობლემა", — ამბობს ხაზარაძის ადვოკატი On.ge-სთან საუბრიას.

ამონარიდი ხაზარაძის 2 ნოემბრის განცხადებიდან

"მიუხედავად იმისა, რომ დღეს ბიზნესი თავისუფალია და ბევრ წარმატებას მივაღწიეთ, ჩემი აზრით, ბევრი მნიშვნელოვანი რეფორმა კიდევ განსახორციელებელია... ახლა გაცილებით რთული და გამოწვევებით სავსე რეალობის წინაშე დავდექით. ეს არის რევანშიზმი, რომელსაც შეუძლია ქვეყნის განვითარება რამდენიმე წლით შეაფერხოს და გამოიწვიოს ქაოსი. ამის თქმის საფუძველს მაძლევს ის განცხადებებიც, რომელიც რამდენიმე თვეა მესმის და რომელიც განუწყვეტლივ გრძელდება თუნდაც ჩემი და ჩემი კომპანიების, ჩემი მონაწილეობით წარმოებული ბიზნესებისა და იმ პროექტების მიმართ, რომელიც ჩემი და ჩვენი 10 000 კაციანი გუნდის ღრმა რწმენით, უაღრესად მნიშვნელოვანია ქვეყნის მომავლისთვის".