ქართული ოცნებიდან წასული ეკა ბესელია ამბობს, რომ ირაკლი ღარიბაშვილის ნებისმიერ გააქტიურებას მიესალმებოდა და მისი პოლიტიკაში დაბრუნება "არ იქნება ცუდი".

"ირაკლის [ღარიბაშვილს] ვუსურვებ წარმატებებს, თუ ის გააქტიურდება. მე მას ვგულშემატკივრობ", — თქვა ბესელიამ.

მისივე განცხადებით, მმართველ პარტიას ნამდვილად სჭირდება გუნდის შიგნით სერიოზული სისტემური ცვლილებები.

საქართველოს ყოფილი პრემიერ-მინისტრი, ირაკლი ღარიბაშვილი პოლიტიკაში დაბრუნდა. მან პარტია ქართულ ოცნებაში პოლიტიკური მდივნის პოსტი დაიკავა. ის პარტიის პოლიტსაბჭოს წევრიც იქნება. ქართული ოცნების პოლიტსაბჭომ მისი დაბრუნების საკითხზე დღეს, 5 მარტს იმსჯელა. სხდომას ბიძინა ივანიშვილი უძღვებოდა.