ბებო ყინულზე პოზირებდა, როცა ზღვამ გაიტაცა

ამ ბებოს სახით მსოფლიოს ახალი ყინულის დედოფალი ჰყავს, რადგან სამახსოვრო ფოტოს გადასაღებად ის არც აბობოქრებულ ზღვის ტალღებს და არც ყინულს შეუშინდა.

ტეხასში მცხოვრები ჯუდიტ შტრეინი ვიქენდზე შვილთან ერთად გაყინული ზღვის სანაპიროს ეწვია. შთამბეჭდავი ფოტოების გადასაღებად კი საკმაოდ დიდ რისკზე წავიდა და "ყინულის ტახტზე" დაჯდა.

სანამ ჯუდიტი კამერის წინ პოზირებდა, ყინული ნაპირს მოსწყდა და ზღვის სიღრმისკენ დაიწყო ცურვა. ქალი მალევე მიხვდა, რომ ეს სულაც არ იყო უწყინარი გართობა.

"მინდოდა ყინულის ტახტის ფონზე ფოტო გადამეღო და ეს იდეა საკმაოდ სახალისოდ მეჩვენებოდა. თანაც, დავინახე, რომ ჩემამდე სხვა ტურისტებიც ჩამოსხდნენ ყინულზე. როგორც ჩანს, მე არ აღმოვჩნდი საკმარისად მძიმე და ყინულმაც მარტივად გაცურა ზღვის სიღრმეში", - ამბობს ჯუდიტი.

საბედნიეროდ, გაბედულ ბებოს ძალიან გაუმართლა, რადგან ის ერთ-ერთი ნავის კაპიტანმა შენიშნა და გადაარჩინა. ფოტოები კი მართლაც ძალიან სახალისო გამოვიდა და ეს სახიფათო თავგადასავალიც დედა-შვილს მთელი ცხოვრება ემახსოვრება.

ბოლო ამბები:

გირჩევთ