როდესაც ფლაფი იპოვეს, ის ძალიან ცუდ მდგომარეობაში იყო, რადგან თოვლის გროვაში გაჭედილს, აუტანელი ყინვა ტანჯავდა.

კატას სიცოცხლეს სერიოზული საფრთხე ემუქრებოდა, თუმცა, მას ძალიან გაუმართლა და თავისმა კეთილმა პატრონმა დროულად იპოვა და ექიმთან წაიყვანა.

"როდესაც ფლაფი დავინახეთ, ვიფიქრეთ, რომ მისი გადარჩენა შეუძლებელი იქნებოდა. ჩვენ ყველაფერი უნდა გაგვეკეთებინა მისთვის. ასეთ კრიტიკულ სიტუაციაში ხომ თითოეულ წუთს გადამწყვეტი მნიშვნელობა აქვს", - ამბობს ვეტერინარული კლინიკის დირექტორი ანდრეა დუტერი.

ფოტო: AnimalClinicOfKalispell

თავდაპირველად ცხოველის ორგანიზმის ტემპერატურა ძალიან დაბალი და სიცოცხლესთან შეუთავსებელი იყო. თუმცა, თბილი წყლის, თმის საშრობისა და საბნის დახმარებით, რამდენიმე საათში კატა უკეთ გახდა და გადარჩა.

ფოტო: AnimalClinicOfKalispell

ჩვენ კი ისღა დაგვრჩენია, რომ გამღვალ კატას სულ სითბოში, ბედნიერად ცხოვრება ვუსურვოთ, მას ხომ ჯერ კიდევ დარჩა რვა სიცოცხლე.