კულტურისა და ძეგლთა დაცვის სამინისტროში გამართულ პრესკონფერენციაზე ცნობილი გახდა, რომ საერთაშორისო ფოტოფესტივალი ოდესა-ბათუმი ფოტოდღეები 2016 ამჯერად ბათუმში ჩატარდება.

ფოტოფესტივალი CheckinGeorgia ფარგლებში 10-14 სექტემბერს გაიმართება.

პრესკონფერენციას ესწრებოდნენ საქართველოს კულტურისა და ძეგლთა დაცვის სამინისტროს კულტურის პოპულარიზაციისა და რეგიონალური პროგრამების დეპარტამენტის დირექტორი ანა რიაბოშენკო, ფოტოგრაფი ნათელა გრიგალაშვილი და ფესტივალის თანაორგანიზატორი მარიამ ბულაური.

წლევანდელი ფესტივალის მთავარი თემა ტერიტორია/სივრცე იქნება და ის 10 სექტემბერს თი-ბი-სი ბანკის გალერეაში გაიხსნება.

ბათუმის საგამოფენო სივრცეში ფოტოგამოფენებთან ერთად პრეზენტაციები და მასტერკლასები მოეწყობა. ფესტივალს სამი ფოტოგრაფი ეყოლება მთავარ სტუმრად:

  • პოლონელი ტომაშ ლაზარი;
  • პალესტინელი ალან შიბლი;
  • სამხრეთ კორეელი კენგ ჯუკი;

მასტერკლასებს დაინტერესებული პირებისთვის სწორედ ისინი ჩაატარებენ. ფესტივალზე ასევე წარდგენილი იქნება ირანელი ფოტოგრაფი ალი აკბარ შირჯიანის ფოტოების ღამის ჩვენებები და ლექციები. აქვე გამოიფინება მე-19-20 საუკუნის ქართველი ფოტოგრაფის შალვა ალხანაიძის საოჯახო არქივი "მოგონებები შუშაში".

ფესტივალი 2016 წლის აპრილში ოდესაში უკვე ჩატარდა, ამჯერად საქართველოს მასპინძლობის ჯერია. პროექტია და სულ ორი წელია რაც არსებობს.