პიქსარის პროგრამის SparkShorts-ის ახალი შორტი, სახელად Purl, მოტივაციით სავსე ძაფის გორგალის შესახებაა. მას სამსახურში უნდა უყუროთ და თანამშრომლებსაც შეგიძლიათ გაუზიაროთ.

8-წუთიანი მოკლემეტრაჟიანი ანიმაცია ახალ სამსახურში საკუთარი ადგილის პოვნას ეხება. კორპორაციაში სახელად B.R.O. Capital ახალ თანამშრომელს, რომელიც ღუნღულა და თბილი ძაფის გორგალია, "ძმაკაცური", აგრესიული და ტოქსიკური გარემო ხვდება.

ასეთ გარემოში თავის დამკვირდება ერთი შეხედვით წარმოუდგენელია და გორგალიც ყოველ ნაბიჯზე წინააღმდეგობას აწყდება. გარემოსთან ადაპტაციის მრავალი წარუმატებელი მცდელობის შემდეგ ის რადიკალურ გადაწყვეტილებას მიიღებს.

დანარჩენი კი თავად უნდა ნახოთ.

"ვიდეო დიდი კორპორაციებსა თუ პატარა სტარტაპებს სამუშაო გარემოს გასაუმჯობესებელ ტრენინგებში შეიძლება გამოადგეთ", - წერს ამერიკული ბიზნეს ჟურნალი Fast Company.

ანიმაციის ავტორი და რეჟისორი კრისტენ ლესტერი კადრს მიღმა დარჩენილ სცენებში ამბობს, რომ ანიმაციური ვიდეო საკუთარ გამოცდილებაზე გადაიღო.

2017 წლის #MeToo კამპანიის ფარგლებში აგორებული სკანდალებიდან ერთ-ერთი პიქსარის ყოფილ კრეატიულ დირექტორს ჯონ ლასეტერსაც შეეხო, რომელიც სექსუალური შევიწროების ბრალდებების გამო სამსახურიდან გაათავისუფლეს.