სურსათის ეროვნულ სააგენტოში აცხადებენ, რომ ორი ან სამი ძროხის შემთხვევაში მოქალაქეებს გადასახადი არ დაუწესდება. უწყების განმარტებით, აუცილებელია მოქალაქეები ბიზნესოპერატორებად დარეგისტრირდნენ.

სურსათის სააგენტოს ინფორმაციით, 2020 წლიდან ბიზნესოპერატორად რეგისტრაცია სავალდებულოა იმ ფიზიკური პირებისთვის, ვინც აწარმოებს და ყიდის სურსათს. ბიზნესოპერატორად რეგისტრაცია უფასოა.

"აღნიშნული რეგულაცია ევროკავშირთან თავისუფალი სავაჭრო სივრცის შესახებ შეთანხმების ფარგლებში აღებული ვალდებულებების შესაბამისად განხორციელდება. რეგულაციის მთავარია მიზანია მომხმარებლის ჯანმრთელობის დაცვა სამომხმარებლო ბაზრის უვნებელი სურსათით უზრუნველყოფის გზით", — განმარტებულია უწყების მიერ გავრცელებულ განცხადებაში.

მათივე განმარტებით, ცვლილება ხელს შეუწყობს სურსათის სურსათის წარმოებისას თანამედროვე სტანდარტების და სანიტარიულ-ჰიგიენური ნორმების დანერგვასა და დაცვას.