ზაზა ბიბილაშვილი რუსთავი 2-ის ეთერში ეხმაურება ტელეკომპანიის საქმესთან დაკავშირებულ ახალ დეტალებს. მისი თქმით,დოკუმენტი, რომელიც დღეს პირდაპი ეთერში გასაჯაროვდა, აჩვენებს, რომ რუსთავი 2-ის მესაკუთრე და 100%-იანი წილის მფლობელი ირაკლი ოქრუაშვილია, ხოლო ქიბარ ხალვაში მხოლოდ მისი ნომინირებული პიროვნება.

ბიბილაშვილი აცხადებს, რომ ამ ინფორმაციას ხვალ დილით უზენაეს სასამართლოს მიაწვდის:

"ეჭგარეშეა, რომ ეს იცოდა ივანიშვილმა და მოსამართლე ურთმელიძემაც, როდესაც მან არ დააკმაყოფილა ჩვენი შუამდგომლობა მოწმის სახით ოქრუაშვილის დაკითხვის შესახებ. ქიბარ ხალვაშს რუსთავი 2-ზე პრეტენზიის წარდგენის უფლებაც კი არ ჰქონდა

დღესდღეისობით ქართულ სასამართლოებს ტელეკომპანიის წილები მიკუთვნებული აქვთ იმ პირისთვის, რომელიც რუსთავი 2-ის მესაკუთრე არასდროს ყოფილა და ამას თავადაც აღიარებს".

რუსთავი 2-ის ჟურნალისტმა ნოდარ მელაძემ დღეს P. S.-ში განაცხადა, რომ მას გუშინ გადასცეს დოკუმენტი, რომელშიც ჩანს, რომ ტელეკომპანიის წილის მფლობელი ირაკლი ოქრუაშვილია და არა ქიბარ ხალვაში.