ჯეოსელისა და მაგთის აბონენტებს 18 თებერვლიდან სააბონენტო გადასახადის გადახდა მოუწევთ. ჯეოსელის აბონენტებს ექვს თვეში ერთი ლარისა და 20 თეთრის, მაგთის აბონენტებს კი ერთი ლარის. იცვლება სხვა პაკეტების ღირებულებაც. გაზრდილ ტარიფებთან დაკავშირებით მასალა თავდაპირველად იმედინიუსმა გაავრცელა.

ჯეოსელი

ჯეოსელში სააბონენტო გადასახადის დაწესებას ხარისხის გაუმჯობესების აუცილებლობით ხსნიან, პაკეტების გაზრდილ საფასურს კი მეგაბაიტების გაზრდილი რაოდენობითა და SMS-ებით.

პაკეტი "მეტი S"

თუკი ახლა ჯეოსელის აბონენტებს პაკეტი "მეტი S"-ის შეძენა 5 ლარად შეეძლოთ, 18 თებერვლიდან 7 ლარის გადახდა მოუწევთ. ფასის ზრდასთან ერთად 100-დან 300 MB-მდე გაიზარდა ინტერნეტის მოცულობა, SMS-ების კი 100-დან 300-მდე.

პაკეტი "მეტი M"

პაკეტი "მეტი M"-ის ღირებულება 1,5-ჯერ იზრდება და 18 თებერვლიდან 15 ლარი ხდება. გაზრდილი თანხის პირობებში 300 MB-დან 1 000 MB-მდე იზრდება ინტერნეტპაკეტი, 1 000 ნაცვლად კი ულიმიტო SMS-ებია გათვალისწინებული.

პაკეტი "მეტი უსასრულო"

ცვლილებები შეეხება "მეტი უსასრულო" პაკეტის აბონენტებსაც. 25-დან 30 ლარამდე პაკეტში 500 MB-ით არის გაზრდილი ინტერნეტი.

მაგთი

მაგთიკომში On.ge-ს განუცხადეს, რომ ტარიფები კი არ გაზარდეს, რიგ შემთხვევაში შეამცირეს კიდეც, რაც "ყველაზე ხშირად მოთხოვნილ მეგაბაიტებს მიუსადაგეს".

პაკეტი "მარტივი"

ჯეოსელის მსგავასად 18 თებერვლიდან მაგთის აბონენტებისთვის პაკეტი "მარტივის" ღირებულება 25 ლარის ნაცვლად 30 ლარი ხდება. ამ შემთხვევაშიც გაზრდილი საფასურში გათვალისწინებულია ინტერნეტის მოცულობის 500 MB-ით გაზრდა.