თბილისში აღმაშენებლის გამზირზე მანქანა ფეხით მოსიარულე ასაკოვან კაცს დაეჯახა. როგორც შსს-მ On.ge-ს უთხრა, კაცი ადგილზე გარდაიცვალა.

გამოძიება სისხლის სამართლის კოდექსის 276 მუხლის მეხუთე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიკვდილი გამოიწვია. ისჯება თავისუფლების აღკვეთით ვადით რვიდან თორმეტ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.