სალომე ზურაბიშვილის პრეზიდენტის თანამდებობაზე ინაუგურაციის გასაშუქებლად ჩასული ჟურნალისტები მოქალაქეებივით ღონისძიებას ეკრანზე უყურებენ. მათთვის ღონისძება დახურულია და ცალკეა გამოყოფილი ჯებირებით შემოსაზღვრული ტერიტორია, სადაც მონიტორი მონტაჟდება.

როგორც On.ge-ს მთავრობის ადმინისტრაციის პროტოკოლი განუცხადეს ცერემონიაზე შესვლა მხოლოდ პირად ფოტოგრაფებს შეეძლებათ. გავრცელდება საერთო პირდაპირი ეთერის სიგნალი და რესპონდენტებიკომენტარისთვის მხოლოდ მედიისთვის განკუთვნილ ტერიტორიაზე მივლენ.

დღეს, 16 სექტემბერს საქართველოს პრეზიდენტის, სალომე ზურაბიშვილის ინაუგურაცია იმართება. ცერემონია თბილისის ნაცვლად კახეთში, ერეკლე მეფის სასახლეში გაიმართება.
სასახლის მიმდებარე ტერიტორია საპატრულო პოლიციას აქვს გადაკეტილი. ღონისძიებაზე დასწრება მხოლოდ მიწვეულ სტუმრებს შეეძლებათ.

ღონისძიების პარალელურად თელავში იმართება გაერთიანებული ოპოზიციის საპროტესტო აქცია. ოპოზიცია არჩევნების შედეგებს არ აღიარებს და ინაუგურაციას არაოფიციალურს უწოდებს.