იურისტი დიმიტრი გაბუნია საქართველოს მომავალი პრეზიდენტის, სალომე ზურაბიშვილის საპარლამენტო მდივანი იქნება. ამის შესახებ ინფორმაციას საზოგადოებრივი მაუწყებელი ავრცელებს. გაბუნია ზურაბიშვილის საარჩევნო შტაბის წევრი იყო და მასთან ერთად სხვადასხვა შეხვედრას ხშირად ესწრებოდა .

On.ge-მ სცადა გაბუნიასთან ამ ინფორმაციის გადამოწმება, თუმცა მის ტელეფონს მისმა მდივანმა უპასუხა და აღნიშნა, რომ მისი ხელმძღვანელი შეხვედრის გამო საუბარს ვერ შეძლებდა.

დიმიტრი გაბუნია არაერთი გახმაურებული საქმეში მონაწილეობდა ადვოკატის სტატუსით. ის იყო ქალთა მიერ სექსუალურ შევიწროებაში დადანაშაულებული ზვიად დევდარიანის ადვოკატიც.

დევდარიანის საქმე

17 მარტს ქალთა მოძრაობამ ომბუდსმენის მიერ წარდგენილი სამეურვეო საბჭოს კონკურსის ერთ-ერთი მონაწილე და სიდას ყოფილი დირექტორი ზვიად დევდარიანი სექსუალურ შევიწროების 10-მდე შემთხვევაში დაადანაშაულა, რის შემდეგაც დევდარიანმა საკუთარი კანდიდატურა მოხსნა. საქმეზე გამოძიება შსს-მ ადევნების მუხლით დაიწყო.

ამის შემდეგ დევდარიანმა პატივისა და ღირსების შელახვისთვის სასამართლოს მიმართა და 11 პირს უჩივლა.